មង្គលទីមួយ​

សំដែងអំពិមង្គលទីមួយ​ មានព្រះបាលីថា អសេវនា ច ពាលានំ កិរិយាមិនសេពគប់នូវបុគ្គលពាលជាមង្គលដ៏ឧត្តម។​
គ្រប់គ្រងកម្មវីធីដោយៈ
 ព្រះគ្រូចៅអធិការព្រះនាម វិនយធរោ យ៉ាន់ ថាត់
ការីកម្មវិធីដោយៈ ភិក្ខុ ញាណោ សែមសារ៉េត
រៀបចំថត និងកាត់តដោយ៖ ព្រះភិក្ខុ តិកូប្បញ្ញោ ផន សុភិន ។

មង្គលទីមួយ

​

ទាញយកទីនេះ
ពាក្យចាស់លោកថា លក្ខណៈរបស់បុគ្គលពាលមាន៣យ៉ាងគឺ៖

១ គិតជួ គឺការមានចិត្តគិតចង់បានក្នុងផ្លូវទុច្ចរិត មានសេចក្តីព្យាបាទ និងមានមិច្ឆាទិដ្ឋិ គឺឃើញខុសជាត្រូវ។

២ និយាយជួ គឺជាសំដីដែលប្រកបដោយវចីទុច្ចរិតដូចជា និយាយមិនពិត និយាយចាក់ដោត និយាយគំរោះគំរើយ និងនិយាយផ្តេស

ផ្តាស។

៣ ប្រព្រឹត្តជួ គឺធ្វើអ្វីដែលប្រកបដោយកាយទុច្ចរិតដូចជា ការសម្លាប់សត្វ លួចឆក់ ឆបោក អនាចារ ប្រព្រឹត្តខុសក្នុងកាម។

លក្ខណៈរបស់បុគ្គលពាល មានចំណុចគួរសង្កេតគឺ៖

១ ចូលចិត្តណែនាំទៅក្នុងផ្លូវដែលខុស ឬដែលមិនគួរណែនាំ ដូចជា ណែនាំឲ្យទៅលេងល្បែង ឲ្យទៅលួចឆក់ ឲ្យទៅសេពគ្រឿង

ញៀនស្រវឹង បបួលអំពើអនាចារជាដើម ទាំងនេះចាត់ទុកថាជាពាល។

២ ចូលចិត្តធ្វើនូវអ្វីដែលមិនមែនជាធុរៈរបស់ខ្លួន ដូចជា មិនធ្វើការងារតាមនាទីរបស់ខ្លួនឲ្យរៀបរយ តែបែជាចូលចិត្តកកូរកកាយលូក ដៃលូកជើងទៅក្នុងមុខនាទីការងារអ្នកដទៃ ឬចាំចាប់កំហុសមិត្តរួមការងារ ក្លែងរឿង ញុះញង់ និន្ទាឈ្នានិះគ្នាជាដើម។

៣ ចូលចិត្តធ្វើខុសដោយឃើញអ្វីខុសជារបស់ល្អ ដូចជា ការសេពគ្រឿងញៀនស្រវឹងជាវីរៈបុរស ឃើញមនុស្សស្មោះត្រង់ជាមនុស្ស
ល្ងង់ខ្លៅមិនចេះស៊ីតាមទឹក ចូលចិត្តទទួលសំណូក ទុច្ចរិតក្នុងមុខនាទី ឬជួយបក្សពួកឲ្យរួចពីកំហុសជាដើម។

៤ រមែងក្រោធខឹងពេលនិយាយដាស់តឿនក្រើនរំឭក ដូចជា ការដាស់តឿនក្រើនរំឭករឿងការដើរលេង ដាស់តឿនរឿងការផឹកស្រា ការត្រឡប់ចូលផ្ទះយប់អាធ្រាត ដាស់តឿនរឿងការសេពគប់មិត្តជាដើម មនុស្សពួកនេះនឹងខឹងក្រោធពេលបានទទួលការដាស់តឿន
ក្រើនរំឭកនិងមិនយកត្រចៀកស្តាប់ឡើយ។

៥ គ្មានរបៀបគ្មានវិន័យ ដូចជា មិនចូលជូរតាមលំដាប់បន្តបន្ទាប់ តែចូលចិត្តប្រជែងគេឯងទាំងមុខក្រាស់ បោះសំរាមក្នុងស្ទឹងក្នុងទន្លេ ឬតាមផ្លូវធ្វើដំណើរ មិនគោរពច្បាប់ស្រុកទេស ឬច្បាប់តំបន់ជាដើម។