ប្រសិនបើគោលដៅមិនទាន់សម្រេច អ្នកពិតជាពិបាកស្វែងរកឃើញនូវបានសេក្តីស្ងប់ និងលំនឹងណាស់។
ការមានតុល្យភាពក្នុងជីវិតរស់នៅវាពិតជាសំខាន់ណាស់។ ដូច្នេះហើយគួរតែចេះរៀបចំពេញវេលារបស់អ្នកឲ្យបានត្រឹមត្រូវដូចជា ពេលសម្រាប់ធ្វើការ និងការធ្វើការថែទាំសុខភាព… យោងតាមទស្សនាវដ្តីសម្រាប់ស្ត្រី ( Magazine For Women) ដែលបានផ្តល់នូវវិធីសាស្ត្រ ៦ បែបដូចខាងក្រោម៖
១.ស្វែងយល់ពីចំណុចខ្លាំងរបស់ខ្លួន
ដើម្បីរស់នៅឲ្យមានតុល្យភាពក្នុងជីវិតអ្នកគួរតែស្វែងរកការងារធ្វើ ដើម្បីបំពេញតំរូវរបស់ខ្លួន និងធ្វើឲ្យខ្លួនកាន់តែមានភាពល្អប្រសើរ។ ចំពោះអ្វីទាំងអស់នេះអ្នកគួរតែគិតឲ្យប្រុងប្រយ័ត្ន និងត្រូវតែយល់អំពីអ្វីដែលមានឥទ្ធិពលក្នុងជីវិតរបស់អ្នក។ ជាការពិតណាស់សម្រាប់អ្វីដែលមានឥទ្ធិពលដែលអាចធ្វើឲ្យអ្នកមាន ការរីកចម្រើន និងអាចផ្លាស់ប្តូរគ្រប់កាលៈទេសៈ។ ដូច្នេះ វាពិតជារឿងសំខាន់មួយដែលអ្នកគួរតែស្វែងយល់ពីចំណុចខ្លាំងរបស់ខ្លួន ឯង។
សូមធ្វើជីវិតរបស់អ្នកឱ្យសាមញ្ញ ងាយៗ និងកាន់តែស្រស់ស្រាយ។
២. ការកំណត់គោលដៅពិតប្រាកដ
ការកំណត់គោលដៅឲ្យបានច្បាស់លាស់គឺជាដំណោះស្រាយមួយដែលធ្វើឲ្យអ្នក បានជោគជ័យក្នុងពេលដ៏ខ្លី។ សូមប្រាកដថាគោលដៅដែលអ្នកបានកំណត់នោះគឺអ្នកអាចធ្វើបាន។ ប្រសិនបើការកំណត់របស់អ្នកវាមិនអាចទៅរួចអ្នកនឹងមិនអាចស្វែងរកនូវ ភាពសេចក្តីស្ងប់ក្នុងចិត្ត និងតុល្យភាពនៅជីវិតឡើយ។ ម្យ៉ាងវិញទៀត អ្នកគួរតែដឹងពីព្រំដែន និងសមត្ថភាពរបស់អ្នកផងដែរ។
៣. មានមហិច្ឆតាផ្ទាល់ខ្លួន
ក្នុងជីវិតរស់នៅគួរតែមានការចង់មានចង់បាន ការស្រលាញ់ផ្ទាល់ខ្លួនខ្លះ។ នៅពេលដែលអ្នក បន្តនូវមហិច្ឆតារបស់អ្នក អ្នកនឹងកាត់បន្ថយបាននូវភាពតានតឹងក្នុងអារម្មណ៍ ហើយនឹងមាន ផ្តោតការចិត្តទុកដាក់ទៅលើវាបន្ថែមទៀត។ វាអាចជួយឲ្យអ្នកកំណត់គោលដៅកាន់តែបានច្បាស់លាស់ជាងមុនទៅទៀត នោះអ្នកនឹងរីករាយជាមួយអ្វីដែលអ្នកអាចទទួលបានយ៉ាងងាយស្រួលជាងមុន។
៤. ត្រូវមានគំនិតសុទិដ្ឋិនិយមជានិច្ច
ព្យាយាមទទួលយកនូវចំណុចល្អ និងអាក្រក់។ អ្នកត្រូវចេះឆក់ឱកាសដែលអាចធ្វើឲ្យអ្នកទទួលបាននូវភាពជោគជ័យ ។ប្រសិនបើអ្នកជួបប្រទះនូវភាពបរាជ័យ នោះ គឺមិនដោយសារតែភាពក្រអឺតក្រទម ឬ គំនិតទុតិដ្ឋិនិយម ដែលជាមេរៀនសម្រាប់ខ្លួនអ្នក ដែលទាំងអស់នេះ នឹងជួយឱ្យអ្នកអាចស្វែងរកនូវតុល្យភាពនៅក្នុងជីវិត និងជាសេចក្តីរំឭកជានិច្ចមិនឱ្យមានគំនិតទុទិដ្ឋិនិយម និងស្វែងយល់អំពីអ្វីដែលអ្នកធ្លាប់បាត់បង់។
៥. ស្វែងយល់ពីចរិតរបស់អ្នក
សេក្តីក្លៀវក្លាពិតជាមានសារៈសំខាន់ធ្វើឱ្យជីវិតមានតុល្យភាពជីវិត ដែលជាចិត្តសាស្ត្រដ៏នៃភាពស្ងប់។ អ្នកអាចទទួលបាននូវសេក្តីស្ងប់ ដោយការពិតចារណានិងសញ្ចឹាងគិតអំពីដែលទៀងទាត់។ ការធ្វើសមាធិអាចធ្វើឲ្យអ្នកកាន់តែយល់ច្បាស់ និងទទួលបានការយល់ដឹងយ៉ាងទូលំទូលាយ។
ការធ្វើសមាធិធ្វើឱ្យអ្នកទទួលបាននូវសេក្តីស្ងប់ក្នុងអារម្មណ៍។
៦. ការថែទាំសុខភាព
អ្នកនឹងមិនអាចសម្រេចអ្វីបាននោះទេប្រសិនបើអ្នកធ្លាក់ខ្លួនឈឺ។ អ្នកត្រូវតែយកចិត្តថែរក្សាសុខភាពរបស់អ្នកឱ្យបានល្អ ព្រោះវាជារឿងសំខាន់ជាងអ្វីៗទាំងអស់នៅក្នុងជីវិត។ ចូររៀបចំនូវរបបអាហារ ការសំរាក ការហាត់ប្រាណឲ្យបានទៀតទាត់ ដែលនឹងធ្វើឲ្យអ្នកទទួលបានសុខភាពល្អ ព្រមទាំងមានថាមពល ដើម្បីសម្រេចនូវអ្វីៗដែលអ្នកត្រូវការ៕
អត្ថបទរបស់ខ្មែរkhmerstation
